Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
28 мая 2020 года
Все сельсоветы
Главная  /  Новости  /  Культура
1 жніўня 2018 года, 12:43

Обчынцы ў гасцях у беларусаў Падляшша

 
Арганізатарам фэсту з’яўляецца грамадская арганізацыя “Музей малой радзімы ў Студзіводах” непадалёк ад Бельска-Падляшскага – горада на самым захадзе этнічнай тэрыторыі беларусаў. Кіраўнік арганізацыі і натхняльнік мерапрыемства – вядомы польскі гісторык і этнограф Дарафей Фіёнік. Штогадова Сустрэчы збіраюць шмат беларусаў, большасць з Падляшскага рэгіёна – з Польшчы, Гродзенскай ды Брэсцкай абласцей. Сёлета разам з калектывамі Пінскага і Лунінецкага раёна на мерапрыемства запрасілі і обчынскі гурт.

Як расказаў загадчык арганізацыйна-метадычнага аддзела Любанскага раённага Цэнтра культуры Сяргей Выскварка, Падляшша – гэта сапраўды ўнікальны рэгіён. Так сталася, што мясцовыя жыхары ведаюць ажно шэсць моваў. Акрамя польскай ды яшчэ дзвюх замежных, якія абавязкова вывучаюцца ў школах, тут вывучаюць беларускую мову і літаратуру (у некаторых навучальных установах Бельска ў якасці дадаткова прадмета, а ў мясцовым Беларускім ліцэі імя Браніслава Тарашкевіча гэта абавязковы прадмет). Большасць мясцовых беларусаў – праваслаўныя, і дзякуючы царкве тут ведаюць таксама рускую мову. І апошняя – мясцовая гаворка, падляшская мова, на якой, дарэчы, размаўляюць на Брэшчыне і Гродзеншчыне.


Жніўныя Сустэры былі прысвечаны святу зажынак – у кожнай вёсцы абрад пачатку жніва мае свае асаблівыя адметнасці. На працягу пяці дзён, што доўжыўся фэст, обчынскія бабулі прынялі ўдзел у шасці такіх абрадах, а таксама ў заключным вялікім канцэрце. Дарэчы, некаторыя жніўныя песні, якія спявалі любанчанкі, таксама ў сваім родзе ўнікальныя – яны мясцовыя, обчынскія. Спявалі любанчанкі разам з мясцовымі калектывамі – студыяй беларускага фальклору “Жэмерва” і хорам беларускай песні “Васілёчкі”, а таксама групай моладзі з горада Гданьска, захопленай беларускім фальклорам.


Для “Павалякаў” жніўныя Сустрэчы сталі цудоўная вандроўкай па вёсках Падляшша. Паўсюль удзельнікаў фэсту сустракалі добразычліва і гасцінна, з накрытымі сталамі, а само мерапрыемства адбывалася спакойна, па-свойску, быццам у дамашняй абстаноўцы. Падчас сваёй вандроўкі обчынцы наведалі выбітныя святыя мясціны Бельска-Падляшскага – Гару Крыжоў у в. Грабарка, Дзмітрыеўскі манастыр у в. Сакі.

Па вынікаў Сустрэч будзе створаны дыск з усімі песнямі, што тут прагучалі. Такім чынам, аўтэнтычныя спевы обчынскіх артыстак папоўняць фальклорную скарбонку беларусаў Падляшша.

 

Анастасия

Дашкевич


Архив сайта
28
2020
Май
Что, на ваш взгляд, сильнее всего угрожает вашему здоровью?
Выборы 2020 Тема недели Декрет №7 Декрет №3 Отдел образования Любанского РИК Телефоны горячих линий