Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
28 мая 2020 года
Все сельсоветы
Главная  /  Новости  /  Горячие новости  /  Год малой родины
8 жніўня 2019 года, 09:38

За вырашэннем надзённых пытанняў жыхары пасёлкаў Масты, Пажарышча, Вішанькі і Барок звяртаюцца да дэпутата Рачэнскага сельскага Савета Тамары Ласевіч

 
Пра такіх людзей, як Тамара Ласевіч, кажуць: дзе нарадзіўся – там і прыгадзіўся. Малая радзіма жанчыны – пасёлак Масты Рачэнскага сельсавета; некалі пасля вучобы Тамара Іванаўна вырашыла не пакідаць родныя мясціны і звязала з імі ўсё сваё жыццё.

Яе – ветлівую, адказную, ініцыятыўную – добра ведаюць як у Мастах, так і ў суседніх пасёлках Вішанькі, Пажарышча і Барок. У гэтых населеных пунктах жанчына ўжо два дзесяцігоддзі працуе сацыяльным работнікам. На яе абслугоўванні – сямёра пажылых людзей, і з кожным Тамара Ласевіч мае добрыя стасункі.

Станоўчыя асабістыя якасці Тамары Ласевіч не засталіся па-за ўвагай кіраўніцтва Рачэнскага сельсавета: яго старшыня Святлана Швед прапанавала жанчыне паспрабаваць сябе ў якасці дэпутата мясцовага савета дэпутатаў. На выбарах грамадзяне падтрымалі кандыдатуру жанчыны, на наступных зноў…

Ужо каля дзесяці гадоў Тамара Іванаўна з’яўляецца дэпутатам. Вяскоўцы звяртаюцца да яе па разнастайных надзённых пытаннях: перастаў гарэць вулічны ліхтар, трэба спілаваць аварыйнае дрэва, неабходна прагрэйдзіраваць дарогу… Да кожнага звароту дэпутат ставіцца адказна, дапамагае вырашаць праблемы, звяртаючыся ў адпаведныя раённыя службы альбо непасрэдна да старшыні Рачэнскага сельвыканкама. Ды і ў цэлым жанчына сочыць за парадкам у сваёй акрузе (а гэта зноў-такі пасёлкі Масты, Вішанькі, Пажарышча і Барок), падключае да гэтага і мясцовых жыхароў. А некалькі гадоў таму разам з ініцыятыўнымі аднавяскоўцамі высадзіла ў Мастах сапраўдную алею. Гледзячы на гэта, многія таксама вырашылі азеляніць свой населены пункт і пасадзілі дрэвы.

Кожныя некалькі месяцаў жыхары Мастоў збіраюцца ў мясцовым доме сацыяльных паслуг, дзе праходзяць сустрэчы з раённым і мясцовым кіраўніцтвам, прадстаўнікамі розных арганізацый і службаў. Пасля таго, як пытанні зададзены, а паслугі аказаны, вяскоўцаў чакае канцэрт. асабліва любяць жыхары выступленні сямейнага калектыву Ціханоўскіх з Рачэнскага сельскага Дома культуры. Часам такія вясковыя пасядзелкі праходзяць неафіцыйна і нават больш па-дамашняму: людзі збіраюцца, каб пагаманіць, абмеркаваць штодзённыя клопаты, сюды ж з баянам завітвае мясцовы гарманіст…

І як дэпутат, і як сацыяльны работнік Тамара Ласевіч спраўляецца са сваімі справамі на выдатна; нездарма ў студзені да 100-годдзя сацыяльнай службы жанчына атрымала Падзяку і каштоўны падарунак ад раённага Савета дэпутатаў.

Ды і дома Тамара Іванаўна – дбайная працаўніца. Як жартуе сама жанчына, гаспадарку яна мае – нібы ў калгасе: кароўка (дарэчы, адзіная на некалькі бліжэйшых населеных пунктаў), свінні, трусы… Дапамагаюць ёй дзеці: хаця сын жыве ў Салігорску, а дачка ў сталіцы, не забываюць сваю маму, часта прыязджаюць. Вось і калі супрацоўнікі раёнкі заехалі да гераіні, з яе дома чуўся дзіцячы смех: пакуль жанчына ў водпуску, у яе гасцяць унукі.

 

Анастасия

Дашкевич


Архив сайта
28
2020
Май
Что, на ваш взгляд, сильнее всего угрожает вашему здоровью?
Выборы 2020 Тема недели Декрет №7 Декрет №3 Отдел образования Любанского РИК Телефоны горячих линий