Погода:
Курсы валют:
Объявления
Куплю-Продам
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
23 жніўня 2019 года
Все сельсоветы
Главная  /  Новости  /  Сельское хозяйство
30 жніўня 2018 года, 13:27

«Няхай стваральная праца прыносіць матэрыяльны дастатак…»

 У мінулую суботу лепшым хлебаробам Любаншчыны аддзячылі за шчырую працу падчас раённага свята-ўшанавання работнікаў сельскагаспадарчай галіны «Дажынкі 2018».

Сёлета мерапрыемства адбылося ў гарадскім пасёлку Урэчча.

З прывітальным словам да ўдзельнікаў урачыстасці звярнуўся старшыня Любанскага раённага выканаўчага камітэта Сяргей Казецкі.

– Свята «Дажынкі» сведчыць пра завяршэнне аднаго з самых адказных этапаў у рабоце хлебаробаў, падводзіць вынікі іх напружанай працы, – адзначыў Сяргей Іванавіч. – Уборачная кампанія заўсёды была сур’ёзным экзаменам. Яна выставіла рэальныя ацэнкі за арганізатарскія здольнасці кіраўнікам і спецыялістам, за майстэрства механізатараў і другіх аграрыяў. У бягучым годзе з-за складаных умоў надвор’я жніво праходзіла ў асабліва напружаным рытме. І кожны з вас разумеў, што толькі дзякуючы адказным адносінам да справы, зладжанасці і працавітасці ўборка зерня павінна была прайсці высокімі тэмпамі пры захаванні максімальнай якасці работ. Варта адзначыць, што тысячатоннай планкі дасягнулі пяць камбайнавых экіпажаў і шэсць вадзіцеляў на адвозцы зерня. Вага любанскага караваю складае звыш 52 тысяч тон пры невялікай ураджайнасці збажыны – 20 цэнтнераў з гектара. У кожным зярнятку сабранага ўраджаю – добрасумленная праца, адказнасць, арганізаванасць і важкі асабісты ўклад усіх, хто ўклаў сілы і душу ў агульную справу, забяспечыў харчовую бяспеку нашай краіны.


Сяргей КАЗЕЦКІ ўручае ўзнагароду кіраўніцкаму складу ААТ «Рачэнь» – гаспадарка атрымала найбольшы валавы збор зерня.

С.І. Казецкі выказаў шчырую падзяку за добрасумленную працу камбайнавым экіпажам, вадзіцелям на адвозцы зерня, машыністам зернесушыльных комплексаў, работнікам збожжатокаў, кіраўнікам і спецыялістам сельгаспрадпрыемстваў, усім службам, якія аказвалі дапамогу хлебаробам па сваіх накірунках, прымалі актыўны ўдзел ва ўборцы ўраджаю, а таксама сем’ям працаўнікоў палёў, якія з клопатам і разуменнем аднесліся да іх у гэты адказны перыяд. «Няхай стваральная праца прыносіць матэрыяльны дастатак, унутранае задавальненне і добрую славу. Шчасця, здароўя, удачы ўсім, новых працоўных здзяйсненняў», – рэзюмаваў Сяргей Іванавіч.


Валянціна КАРЛЮК віншуе кіраўнікоў і спецыялістаў ААТ «Рачэнь», «Асавец-агра» і «Палессе-агра» з паспяховым завяршэннем сяўбы азімага рапсу і свірэпіцы.

Старшыня райвыканкама правёў цырымонію ўзнагароджвання Падзякамі Мінскага абласнога выканаўчага камітэта некаторых рупліўцаў любанскіх палёў. У прыватнасці, трактарыста-машыніста ААТ «Забалацкі» Уладзіміра Андрыевіча, рыбавода ААТ «Рыбакамбінат «Любань», а падчас жніва машыніста ЗСК-40 ААТ «Забалацкі» Сяргея Кандраценю, вадзіцеля ААТ «Рачэнь» Уладзіміра Літошку. Акрамя таго, С.І. Казецкі ўручыў дыпломы райвыканкама кіраўніцкаму складу трох гаспадарак: ААТ «Рачэнь» (за найбольшы валавы збор зерня – 7 690 тон), ААТ «Забалацкі» (за найбольшую ўборачную плошчу – 3 470 гектараў – і правядзенне жніва ў аптымальныя тэрміны), ААТ «Палессе-агра» (за рост валавога збору зерня да ўзроўню мінулага года – 105,3 працэнта).

Эстафету ўзнагароджванняў працягнуў першы намеснік старшыні райвыканкама начальнік упраўлення па сельскай гаспадарцы і харчаванні Андрэй Змітровіч, які адзначыў лепшыя камбайнавыя экіпажы, вадзіцеляў і механізатараў на адвозцы сабранага ўраджаю, машыністаў па дапрацоўцы зерня. А першы намеснік начальніка ўпраўлення па сельскай гаспадарцы і харчаванні райвыканкама Валянціна Карлюк павіншавала пераможцаў жніва ва ўзросце да 31 года.

Не паспела фінішаваць уборачная кампанія, як пачалася пасяўная – пад ура-джай 2019 года. Першым ў глебу загарнулі насенне азімага рапсу і свірэпіцы. Кіраўнікі і спецыялісты адкрытых акцыянерных таварыстваў «Рачэнь», «Асавец-агра» і «Палессе-агра», якія справіліся з дадзеным заданнем у аптымальныя тэрміны (завяршылі работы да 20 жніўня), атрымалі грашовае заахвочванне.

У межах свята ўзнагароджаны таксама пераможцы раённага конкурсу на лепшае добраўпарадкаванне сядзіб.


На шляху следавання да месца правядзення «Дажынак» можна было ўбачыць тэматычныя малыя архітэктурныя формы.

Дарья

Рябцева


Архив сайта
23
2019
Август
Что, на ваш взгляд, сильнее всего угрожает вашему здоровью?
Выборы-2019 2-е европейские игры Декрет №7 Тема недели Декрет №3 Телефоны горячих линий Отдел образования Любанского РИК